Change Text Size Resize Text Small(12 point) Resize Text Medium(14 point) Resize Text Large(16 point)

P&G Iste’molchining maxfiyligi siyosati
07/01/2020

Biz Siz bilan ishonchga asoslangan munosabatlarni o‘rnatishga va qo‘llab-quvvvatlashga juda intilamiz. Shuning uchun ham Sizning sir tutilishi kerak bo‘lgan ma’lumotlaringizni qayta ishlanishiga e’tibor va ehtiyotkorlik bilan munosabatda bo‘lamiz va ushbu ishonchga mos keluvchi usullardan foydalanamiz. Mazkur hujjat Sizga bu qayta ishlashni qanday amalga oshirishimiz, jumladan qanday ma’lumotlarni to‘plashimiz, ulardan qanday foydalanishimiz va ularni qanday himoya qilishimiz hamda Sizning bunday ma’lumotlarni qayta ishlanishiga qanday ta’sir qilishingiz mumkinligi haqida bilishingizga imkon beradi. Maqsadimiz — kontentimiz, mahsulotlarimiz, reklama va xizmatlar uchun Sizning ma’lumotlaringizdan qanday foydalanishimizni tushinishingizga yordam berish.

Quyida maxfiylik siyosatimizga qisqacha kirish taqdim etiladi

Ma’lumotlarning qanday turlarini to‘playmiz

  • Siz bizga taqdim etadigan ma’lumotlar
  • Siz bizga murojaat qilganingizda, saytlarimizga tashrif buyurganingizda, mobil ilovalarimiz yoki xizmatlarimizdan foydalanganingizda, mahsulotlarimizdan yoki qurilmalarimizdan foydalanganingizda yoki reklamamizni ko‘rganingizda biz to‘playdigan ma’lumotlar
  • Siz bunday ma’lumotlarni uzatish yoki sotishga rozilik olgan yoki Siz bunday ma’lumotlarni olgan boshqa kompaniyalarning ularni siz bilan va o‘z navbatida biz va/yoki boshqa kompaniyalar bilan baham ko‘rishishlari mumkinligiga ishonchingiz komil bo‘lgan boshqa kompaniyalardan olinadigan ma’lumotlar
  • Siz ularning veb-saytlariga tashrif buyurganingizda biz boshqa kompaniyalardan oladigan ma’lumotlar

Biz bunday ma’lumotlarni yoki ularning istalgan qismini eng yaxshi mahsulotlar va xizmatlar yaratish va iste’molchilarga xizmat ko‘rsatish sifatini oshirish uchun birlashtirishimiz mumkin.

Sizning ma’lumotlaringizdan qanday foydalanamiz

  • Siz so‘ragan mahsulotlar va xizmatlarni yuborishda
  • Sizga marketing bo‘yicha hamkorlarimizning mahsulotlari va xizmatlari haqidagi ma’lumotlarni taqdim etishda
  • Saytlarning ishlashi va xizmatlar ko‘rsatish samaradorligini oshirish uchun

Sizning ma’lumotlaringizni uchinchi tomonlarga qanday qilib va qachon beramiz

  • Sizning roziligingizni olgandan keyin biz ular Sizga biz Sizni qiziqtirishi mumkin, deb hisoblaydigan reklama aktsiyalari va o‘z mahsulotlari va xizmatlari haqidagi e’lonlarni yubora olishlari uchun Sizning ma’lumotlaringizni beramiz.
  • Kompaniyamiz faoliyatini boshqarishda bizga yordam beruvchi biz yollaydigan boshqa kompaniyalarga
  • P&G kompaniyasi brendi yoki kompaniyaning bir qismini boshqa kompaniyaga sotish doirasida
  • O‘z huquqlarimiz va mulklarimizni himoya qilishda yordam berish uchun, masalan, firibgarlikning oldini olish yoki axborot xavfsizligini ta’minlash uchun
  • Bu qonunchilik yoki davlat organlari tomonidan talab qilinganida

Sizning tanlovingiz

Quyidagi havolaga bosish orqali Siz bizning ma’lumotlaringizdan qanday foydalanishimiz mumkinligini bizga xabar qilishingiz mumkin:

Agar Siz Yevropa Ittifoqida yashasangiz, Sizda shaxsiy ma’lumotlarni himoya qilinishiga, jumladan bizda mavjud bo‘lgan Sizning sir tutilishi kerak bo‘lgan ma’lumotlaringizga kirishga oid ma’lum huquqlar mavjud. Bu huquqlar har qanday holatlarda ham qo‘llanilmaydi. Quyidagilar uchun quyidagi havola bo‘yicha o‘ting:

Sizning ma’lumotlaringizni qanday to‘playmiz

Biz siz haqingizdagi ma’lumotlarni turli usullarda turli joylarda to‘playmiz. Biz to‘playdigan ma’lumotlar ismingiz, elektron pochta manzilingiz, telefon raqamingiz yoki pochta manzilingiz kabi Sizni tanib olish uchun foydalanilishi mumkin bo‘lgan shaxsiy ma’lumotlarni o‘z ichiga olishi mumkin. Ayrim mamlakatlarda, masalan, Yevropa Ittifoqiga a’zo davlatlarda IP-manzil, cookie fayllari va mobil qurilmalarning identifikatorlari ham shaxsiy ma’lumotlar bo‘lib hisoblanishi mumkin.

Yodda tuting : Biz Sizga eng yaxshi mahsulotlar, xizmatlar va yuqori xizmat ko‘rsatish sifatini taqdim etish uchun Siz to‘g‘ringizda to‘playdigan barcha ma’lumotlarni birlashtirishimiz mumkin.

Siz o‘zingiz taqdim etadigan ma’lumotlar. Siz saytlarimiz yoki mobil ilovalarimizdagi akkauntda ro‘yxatdan o‘tishda yoki telefon yoxud elektron pochta orqali biz bilan bog‘langaningizda shaxsiy ma’lumotlarni bizga taqdim etasiz. Biz Sizdan ismingiz, elektron pochta manzilingiz yoki pochta manzilingiz, tug‘ilgan sanangiz, to‘lov ma’lumotlari, yoshingiz, jinsingiz, oilangizdagi kishilar soni hamda bizning mahsulotlarimiz va xizmatlarimiz haqidagi ma’lumotlarni Sizga, masalan, Sizning uy manzilingizga, elektron pochta manzilingizga yoki matnli xabar orqali yuborishimizni xohlashingiz yoki yo‘qligi kabi ma’lumotlarni bizga taqdim etishingizni so‘rashimiz mumkin.

Saytlar orqali va elektron pochtaga. Biz Siz saytlarimizga tashrif buyurganingizda, e’lonlarimizni ko‘rganingizda yoki mahsulotlarimiz yoki xizmatlarimizdan foydalanganingizda ma’lumotlarni avtomatik tarzda to‘playdigan texnologiyalardan foydalanishimiz mumkin. Masalan, biz Sizning qanday brauzerdan va operatsion tizimdan foydalanishingiz, IP-manzilingiz, Siz tashrif buyuradigan veb-sahifalar, Siz o‘tgan havolalarni hamda xatimizni ochganligingiz yoki yo‘qligi to‘g‘risidagi ma’lumotlarni bilish uchun cookie fayllaridan (kompyuteringiz brauzerida saqlanuvchi kichkina fayl) foydalanamiz.

Mobil ilovalar va Internetga ulangan qurilmalar orqali. Sizga eng yaxshi xizmat ko‘rsatish sifatini taqdim etish uchun biz telefoningizdan (mobil ilovalarimizdan foydalanilgan hollarda) va uyingizdagi "aqlli" qurilmalardan ma’lumotlar to‘plovchi texnologiyalardan foydalanishimiz mumkin. Ilovani yuklab olishda va Internetga ularnuvchi maishiy qurilmalarni o‘rnatishda bunday ma’lumotlarni berishga rozi bo‘lasiz. Bu ma’lumotlar mobid telefoningiz yoki qurilmaning boshqa identifikatori, telefoningiz operatsion tizimi, Siz tomoningizdan bunday ilovadan yoki qurilmadan foydalanilishi hamda joylashgan joyingiz haqidagi ma’lumotni o‘z ichiga olishi mumkin. Telefoningizda yoki qurilmada Siz suzib chiquvchi bildirishnomani olasiz, u Sizga biz tomonimizdan Sizning aniq geolokatsiyangizni (Siz joylashgan yoki Internetga kiradigan joy) aniqlashimizga ruxsat berish yoki rad qilishga imkon beradi.

Boshqa joylardan. Biz kompaniyalar bizga beradigan yoki sotadigan ma’lumotlardan foydalanishimiz mumkin. Masalan, Siz telokommunikatsiya xizmatlarini olish yoki chakana savdo do‘konlari uchun sodiqlik bo‘yicha bonus dasturida qatnashishdagi yozishmalarda boshqa kompaniyaning bizga shaxsiy ma’lumotlaringizni berishiga rozilik berasiz. Biz yana ma’lumotlarni Siz bunday ma’lumotlarning hammabopligini biladigan joylardan, masalan, internet-xabarlar, bloglardagi yozuvlar yoki ijtimoiy tarmoq saytlaridan ham to‘plashimiz mumkin. Biz yana ma’lumotlarni hammabop ma’lumotlar omboridan yoki Siz tomoningizdan bunday ma’lumotlardan foydalanilishiga, jumladan ma’lumotlaringizdan biz tomonimizdan foydalanilishiga ham rozilik berishingiz bilan ma’lumotlarni olgan holda Siz haqingizdagi ma’lumotlarni to‘plash va jamlash bilan shug‘ullanuvchi boshqa kompaniyalardan ham olishimiz mumkin. Bular Sizning daromad darajangiz, yoshingiz, jinsingiz, oilangizdagi kishilar soni va Siz internetda yoki yaqin-atrofdagi do‘konlardan xarid qiladigan mahsulotlar haqidagi ma’lumotlar bo‘lishi mumkin.

Sizning ma’lumotlaringizdan qanday foydalanamiz

Biz ma’lumotlardan maqsadlarimiz — butun dunyo bo‘ylab Siz kabi kishilarning hayotiga ta’sir qilish va uni yaxshilashga erishish uchun foydalanamiz. Biz Sizning ma’lumotlaringizdan Sizga saytingiz yoki P&G ilovasi sozlamalarini boshqarishga yordam bergan va tanlovlarimiz yoki lotoreyalarimizni joylashtirishga yoki Siz bizda xarid qiladigan mahsulotlar uchun to‘lovlarni qayta ishlashga imkon bergan holda Sizning savollaringizga yoki ma’lumotlar olish bo‘yicha so‘rovlaringizga javob berish, Siz so‘ragan mahsulotlarimiz yoki ularning namunalarini yuborish uchun foydalanamiz. Biz yana Sizning shaxsiy bo‘lmagan ma’lumotlaringizdan (masalan, xarid to‘g‘risidagi ma’lumotlar, naumalarni olish haqidagi so‘rovlar va hok.) iste’molchilarning nimani xohlashlari to‘g‘risida ko‘proq bilish uchun iste’molchilar talablarini tadqiq qilish va tahlil qilishda (yoki agar Siz bunday tadqiqotlarda qatnashishga rozilik bergan bo‘lsangiz — shaxsiy ma’lumotlar) ham foydalanashimiz mumkin — shu tarzda biz yangi mahsulotlar yaratishimiz yoki mavjudlarini yaxshilashimiz mumkin.

Sizning ma’lumotlaringizdan foydalanishning boshqa usuli Siz bizdan oladigan ma’lumotlarning shaxsan Siz uchun mos va foydali bo‘lishiga ishonch hosil qilishdan iboratdir. Masalan, agar Siz bizning soqol olish vositalarimizga qiziqish bildirsangiz va Gillette.com saytiga tashrif buyurgan bo‘lsangiz, biz Sizga Gillette® mahsulotlari to‘g‘risidagi ma’lumotlarni yuborishimiz mumkin. Bunda biz Gillette ning aynan bitta reklamasini ko‘rishlar sonini cheklash uchun Sizning ma’lumotlaringizdan — cookie fayli identifikatori yoki qurilma identifikatoridan foydalanamiz. Biz Sizning bitta xabarni qayta-qayta olmasdan, o‘zingiz foydalanadigan va Sizga yoqadigan mahsulotlar haqida bilishingizni xohlaymiz.

Biz yana veb-saytlarimizdan qanday foydalanilishini yaxshiroq tushinish hamda ushbu toifaga kiruvchi barcha iste’molchilarning ehtiyojlariga javob beruvchi mahsulotlar yarata olishimiz va xizmatlar taklif qila olishimiz uchun iste’molchilarning odatlarini o‘rganish maqsadida alohida shaxslarni tanib olmagan holda ko‘pgina odamlardan olingan umumlashtirilgan ma’lumotlardan ham foydalanishimiz ham mumkin. Masalan, biz yosh ota-onalar bo‘lgan va bizning bolalar uchun tovarlarga bag‘ishlangan veb-saytlarimizni ko‘ruvchi iste’molchilar haqida ko‘p narsani bilishimiz mumkin. Bu ma’lumotlar bizga aynan ular uchun zarur bo‘lgan mahsulotlar va xizmatlarni taklif qilgan holda butun dunyodagi yosh ota-onalarga yaxshiroq xizmat ko‘rsata olishimiz uchun zarur. Shaxsiy bo‘lmagan ma’lumotlardan foydalanishning bunday usuli Sizning maxfiyligingizni himoya qilishga yordam beradi. Shu sababli biz doimo shaxsiy ma’lumotlarga tegishli bo‘lmagan ma’lumotlardan foydalanishga intilamiz.

Sizning maxfiyligingizni yanada ko‘proq himoya qilish uchun biz u yoki bu masalani hal qilish uchun Sizning ma’lumotlaringizdan foydalanishni maksimal darajada kamaytiramiz. Biz ma’lumotlarning aralashib ketishining oldini olish uchun choralar ko‘ramiz (cookie fayllari identifikatorlari va qurilma identifikatorlari, masalan, ism bo‘yicha bevosita Sizni tanib olishga imkon beradigan hollarda). Biz Sizning ma’lumotlaringizni ular tijoriy faoliyatimiz uchun boshqa kerak bo‘lmay qolganidan keyin darhol o‘chirib tashlaymiz.

Sizning ma’lumotlaringizni qanday himoya qilamiz

Biz Sizning shaxsiy ma’lumotlaringizni hurmat qilamiz va ularni yo‘qotishlar, ruxsatsiz foydalanishlar yoki buzishlardan himoya qilish uchun choralar ko‘ramiz. Zarur bo‘lgan hollarda bu choralar brandmauerlar, suqilib kirishlarni aniqlash va ularning oldini olish tizimlari, o‘ziga xos va murakkab parollar hamda shifrlash kabi texnik himoya vositalarni o‘z ichiga olishi mumkin. Biz ma’lumotlarni qayta ishlash bo‘yicha xodimlarni tayyorlash, ma’lumotlar bilan bog‘liq bo‘lgan hodisalar va xatarlarni tanib olish, xodimlarning Sizning shaxsiy ma’lumotlariga kirishlarini cheklab qo‘yish va fizik xavfsizlikni ta’minlash, foydalanilmayotgan hujjatlar xavfsizligini tegishli darajada ta’minlash kabi tashkiliy va fizik choralarni ham ko‘ramiz

Qanday ma’lumotlarni uzatamiz

Boshqa kompaniyalarga. Sizning ruxsatingiz bilan ular biz sizni qiziqtirishi mumkin, deb hisoblaydigan takliflari, reklama aktsiyalari yoki mahsulotlari yoxud xizmatlari haqidagi e’lonlarini Sizga yubora olishlari uchun Sizning ma’lumotlaringizni tanlangan hamkorlarimiz bilan baham ko‘rishimiz mumkin. Masalan, Pampers® kabi tagliklarimizni ishlab chiqaruvchi brendlarimizdan P&G elektron xatlarini oluvchi kishilar yana boshqa kompaniyalar tomonidan ishlab chiqariluvchi bolalarning ovqatlanishi uchun aralashmalar to‘g‘risidagi ma’lumotlarni olishga rozilik berishlari mumkin. Biz Sizning shaxsiy ma’lumotlaringizni marketing maqsadlarida uchinchi shaxslarga sotmaymiz. Biz faqat Sizni shaxsan tanitmaydigan ma’lumotlarnigina qandaydir maqsadlar uchun boshqa kompaniyalarga berishimiz mumkin.

Xizmatlarning ta’minotchilariga. Bizga Sizning ma’lumotlaringizni o‘zimiz birgalikdagi tijoriy faoliyatni, jumladan saytlarimizga joylashtirish, Sizga xatlarimizni etkazib berish, o‘zimiz to‘plagan ma’lumotlarni tahlil qilish hamda Sizga Siz tomoningizdan buyurtirilgan mahsulotlar va xizmatlarni yuborishni amalga oshiradigan kompaniyalarga berishga to‘g‘ri kelishi mumkin. Biz faqat bu kompaniyalarga biz ularga topshiradigan vazifalari bajarish uchun zarur bo‘ladigan shaxsiy ma’lumotlarnigina beramiz. Ular Sizning ma’lumotlaringizni himoya qilish bo‘yicha biz zimmamizga oladigan majburiyatlar bilan bir xil majburiyatlarni o‘z zimmalariga oladilar va bunday ma’lumotlarni boshqalarga bermaydilar va biror-bir maqsadda ulardan foydalanmaydilar.

Boshqa holatlarda. Agar Siz shaxsiy ma’lumotlaringizni bergan biror-bir brendimiz yoki korxonamiz boshqa kompaniyaga sotilsa, Sizning ma’lumotlaringiz bu kompaniyaga beriladi. Natijada Sizning qayd yozuvingiz va undagi shaxsiy ma’lumotlaringiz o‘chirilmaydi, Siz bunday yangi kompaniyaga ularni o‘chirish to‘g‘risida iltimos bilan murojaat qiladigan hollar bundan mustasno. Biz yana Sizning shaxsiy ma’lumotlaringizni huquqlarimiz va mulklarimizni himoya qilishda yordam beruvchi kompaniyalarga yoki bu qonunchilik yoki davlat organlari tomonidan talab qilingan hollarda ham berishimiz mumkin.

Sizning huquqlaringiz va tanlash imkoniyati


Marketing Siz bunday xabarlarni rad qilish bo‘yicha ko‘rsatmalarga amal qilgan holda bizdan Sizga elektron xatlar va matnli xabarlarni yuborishni to‘xtatishni so‘rashingiz mumkin. Siz yana bu yerga bosish orqali elektron pochta orqali marketing xabarlari, SMS yoki pochta tarqatmalarini olishni rad qilishingiz mumkin. Biz Sizning talabingizni bajaramiz, biroq buning uchun bizga ayrim ma’lumotlarni saqlab qolishga to‘g‘ri kelishi mumkin. Masalan, agar Siz bizga marketing xatlarini yuborishni to‘xtatishni aytsangiz, biz tizimimiz Sizning bu elektron pochta manziliga boshqa marketing xabarlarini olishni xohlamasligingizni eslab qolishi uchun Sizning elektron pochta manzilingizni saqlab qolishimiz kerak.

Qayd yozuvlari O‘zingiz ro‘yxatga olingan mamlakatga bog‘liq ravishda Siz ma’lumotlaringizga kirish huquqiga ega bo‘lishingiz va P&G qayd yozuvingizdagi ma’lumotlarni yangilash yoki o‘chirish imkoniyatiga ega bo‘lishingiz mumkin. Agar Sizda bunday imkoniyat mavjud bo‘lmasa, bu yerga bosish orqali so‘rov yuborishingiz mumkin.

Yevropa Ittifoqi fuqarolari. Agar Siz Yevropa Ittifoqida yashasangiz, biz saqlaydigan shaxsiy ma’lumotlaringizga kirish huquqini olishingiz va noaniq, eskirgan yoki keraksiz ma’lumotlarni tuzatish, o‘chirish yoki cheklash to‘g‘risida so‘rov yuborishingiz va ma’lumotlaringizni Sizga xizmatlarning boshqa ta’minotchisiga berishga imkon beruvchi formatda taqdim etishni so‘rashingiz mumkin. Siz yana bunday qayta ishlash Sizning roziligingiz bo‘yicha amalga oshiriladigan hollarda istalgan vaqtda shaxsiy ma’lumotlaringizni qayta ishlanishiga bo‘lgan o‘z roziligingizni chaqirib olishingiz mumkin. Siz yana bunday qayta ishlash bizning qonuniy manfaatlarimizga asoslangan hollarda (bu bizda bunday ma’lumotlardan foydalanish uchun sabab borligini anglatadi) biz tomonimizdan Sizning shaxsiy ma’lumotlaringizning qayta ishlanishiga e’tiroz bildirishingiz mumkin (bu bizning ulardan foydalanishni to‘xtatishimiz kerakligini anglatadi). Agar Siz ma’lumotlarni himoya qilish va shaxsiy ma’lumotlarning qayta ishlanishiga nisbatan Sizning huquqlaringiz haqida qo‘shimcha ma’lumotlar olmoqchi bo‘lsangiz, ma’lumotlarni himoya qilish bo‘yicha Yevropa nazorat organi veb-saytiga tashrif buyuring: https://edps.europa.eu/data-protection/ . Agar Siz so‘rovlaringizga javoblarimizdan qoniqmagan bo‘lsangiz, mamlakatingizdagi ma’lumotlarni himoya qilish organiga shikoyat berishingiz mumkin. Iltimos, so‘rovning quyidagi variantlaridan birini tanlang:

Umumiy so‘rovlar . Marketing maqsadlarida foydalaniluvchi, masalan, veb-saytlarimizdan yoki ilovalarimizdan birida ro‘yxatdan o‘tishda Siz bizga taqdim etgan ma’lumotlarni o‘z ichiga oluvchi shaxsiy ma’lumotlarga nisbatan so‘rov yuborish uchun biz bilan bu yerda bog‘laning.

Mediadagi reklama . Reklama uchun foydalaniluvchi, o‘z ichiga, masalan, cookie fayllari yoki qurilmalarning idetifikatorlari yordamida olishimiz mumkin bo‘lgan va Sizga tegishli reklama e’lonlarini yuborishda foylaniladigan ma’lumotlarni oluvchi shaxsiy ma’lumotlarga nisbatan so‘rov yuborish uchun biz bilan bu yerda bog‘laning. Sizning cookie fayllaringiz yoki qurilmalaringiz identifikatorlari bilan bog‘liq bo‘lgan va iste’mol (reklamani etkazib berish) va e’lonlarni verifikatsiya qilish ustuvorligiga ega bo‘lgan hamkorlik platformalarimizga joylashtirilgan ma’lumotlar mavjud bo‘lishi mumkin. O‘sha ma’lumotlarni ko‘rish uchun bu yerga va bu yerga bosing.

Marketing tadqiqotlari . Biz Sizning tadqiqotlarimizda ishtirokingiz vaqtida olishimiz mumkin bo‘lgan shaxsiy ma’lumotlarga nisbatan so‘rov yuborish uchun Sizning axborotli rozilik blankingizda ko‘rsatilgan kontakt ma’lumotlariga murojaat qiling, qo‘ng‘iroq qiling yoki o‘zingizning marketing tadqiqotlari markazingizga tashrif buyuring.

Stomatologlar uchun ma’lumotlar. Agar Siz stomatolog bo‘lsangiz va o‘z ma’lumotlaringizni professional o‘qitish va qo‘llab-quvvatlash dasturlarimizdan biri doirasida, jumladan https://www.dentalcare.com, sayti orqali bizga taqdim etgan bo‘lsangiz, quyida sanab o‘tilgan mos telefon raqami va elektron pochta manzili yordamida biz bilan bog‘laning.

Mamlakat

Qo‘ng‘iroqlarni qayta ishlash markazi

Elektron pochta

Germaniya

0203 570 570

T/E

Avstriya

00800 570 570 00

T/E

Shveytsariya

00800 570 570 00

T/E

Buyuk Britaniya

0870 242 1850

Bu yerga bosing

Ispaniya

900 670 270

Bu yerga bosing

Italiya

+390650972534

T/E

Frantsiya

+ 33 (0) 825 878 498

Bu yerga bosing
Bu yerga bosing
Bu yerga bosing

Belgiya

T/E

Bu yerga bosing

Niderlandiya

T/E

Bu yerga bosing

Polsha

0 801 25 88 25

T/E

Cookie fayllari

Cookie fayllari — bu Siz u yoki bu veb-saytga tashrif buyurganingizda qurilmangizga saqlanuvchi kichkina fayllar. Ular Sizning o‘zingiz tashrif buyuradigan veb-saytlardagi harakatlaringiz haqidagi foydali ma’lumotlarni saqlaydilar. Cookie fayllari kompyuteringiz, qurilmangiz yoki fayllaringizda saqlanuvchi ma’lumotlarni to‘plamaydi. Cookie fayllarida Sizning shaxsingizni bevosita tanituvchi hech qanday ma’lumotlar mavjud bo‘lmaydi. Cookie fayllari kompyuteringiz yoki qurilmangizni faqat tasodifiy raqamlar va harflar (masalan, cookie fayli identifikatori ABC12345) sifatida ko‘rsatadi va hech qachon, masalan, Karim A. Salimov kabi ko‘rinishda aks ettirmaydi.

Biz cookie fayllaridan quyidagi kabi bir necha sabablar bo‘yicha foydalanamiz:

  • tegishli reklamani taqdim etish
  • Sizning P&G kompaniyasi ma’lumotlari bilan qanday o‘zaro aloqa qilishingiz haqida ko‘proq bilish
  • foydalanuvchi interfeysi qulayligini oshirish
  • til va mintaqa kabi Sizning afzalliklarini eslab qolish, bu har bir tashrif buyurish vaqtida veb-saytni sozlash zaruriyatini istisno qilishga imkon beradi
  • xatolarni aniqlash va bartaraf qilish
  • veb-saytlarimizning qanchalik darajada samarali ekanligini tahlil qilish

Biz cookie fayllarining quyidagi turlaridan foydalanamiz:

  • Seansli cookie fayllari. Veb-sahifalar xotiraga ega emas. Seansli cookie fayllari Sizga o‘zingiz saytda ko‘rsatgan ma’lumotlarni takroran ko‘rsatishga to‘g‘ri kelmasligi uchun sahifadan sahifaga o‘tishda Sizni eslab qoladi (tasodifiy tarzda hosil qilingan identifikator yordamida, masalar, ABC12345). Masalan, seansli cookie fayllari Internetda xaridlar qilishda ayniqs foydalidir — ularsiz Siz o‘z savatchangizga joylashtiradigan buyumlar buyurtmani rasmiylashtirish vaqtida yo‘qolib qoladi! Bu cookie fayllari Siz saytimizni tark etishingiz yoki brauzerni yopishingiz bilan yo‘q qilinadi.
  • Doimiy cookie fayllari. Doimiy cookie fayllari saytlarga Siz yana ularga qaytganingizda Sizning afzalliklarini eslashga imkon beradi. Masalan, agar Siz birinchi tashrif buyurishda saytni frantsuz tilida ko‘rsatishni tanlasangiz, keyingi safar saytga qaytganingizda sayt avtomatik ravishda frantsuz tilida ko‘rsatiladi. Shunday qilib har safar til bo‘yicha afzal ko‘rilgan variantni tanlashingiz shart bo‘lmaydi, bu esa saytdan foydalanishni oson va samarali qiladi.
  • Reklama cookie fayllari. Bu cookie fayllaridan umumiy holda afzal ko‘rganlaringiz haqida, masalan, Siz tashrif buyuradigan veb-saytlar va Siz xarid qiladigan mahlumotlar haqida bilish uchun foydalanish mumkin. Bu Sizning yoshingiz, oilaviy holatingiz va nechta farzandingiz borligi haqida bilishimizga ham yordam beradi. Bu ma’lumotlar Sizga yaxshiroq darajada mos keluvchi yoki ko‘proq yoquvchi mahsulotlar va xizmatlar reklamasini yuborishimizga imkon beradi. Bu bitta reklamaning takrorlanishlar sonini cheklashimizga ham imkon beradi.
  • Analitik cookie fayllari. Bu cookie fayllari veb-saytlarimizning qanday ishlashini bilishimizga imkon beradi. Ko‘pgina hollarda saytlarimizning unumdorligini monitoring qilish uchun biz Google Analytics xizmatining analitik cookie fayllaridan foydalanamiz. Google Analytics tomonidan to‘plangan saytlarimizga tashrif buyurishlaringiz haqidagi ma’lumotlardan foydalanish va ularni uzatish imkoniyatimiz Google Analytics dan foydalanish shartlari va Google maxfiylik siyosati bilan cheklangan.

Cookie fayllarini boshqarish imkoniyati. Siz brauzeringizni barcha cookie fayllarini o‘chirib qo‘yish yoki kompyuteringizga cookie faylini yuborishda bu haqida xabar qilishga sozlashingiz mumkin. Biroq bu saytlarimiz yoki xizmatlarimizning ishlashiga halaqit berishi mumkin. Siz o‘z brauzeringizni o‘zingiz ko‘rishni yakunlagandan keyin cookie fayllarini o‘chirib tashlashga sozlashingiz ham mumkin.

Boshqa texnogiyalar.

  • iBeacon mayoqlari. Mayoqlar Siz o‘z telefoningizga o‘rnatadigan mobil ilovalarga yaqin masofalardan bir tomonlama signallar yuboradi va ular, masalan, ushbu do‘konda qaysi mahsulotlarning arzonlashtirilgan narxlarda sotilayotganligi haqida xabar qiladi. Mayoqlar ma’lumotlarni faqatgina yetarlicha yaqin masofadan va Siz aniq bir mayoq bilan bog‘liq bo‘lgan mobil ilovada o‘z roziligingizni berganingizdan keyin uzatadi. O‘z navbatida ilovalar reklamani Siz uchun maxsus tarzda moslashtira olishimiz uchun bizga Siz joylashgan joy haqidagi ma’lumotlarni taqdim etishi mumkin. Masalan, Siz supermarketdagi teri parvarishi tovarlari bo‘limidagi mayoq yonida bo‘lganingizda biz Sizga 4 dollar chegirmali kupon yuborishimiz mumkin.
  • Kuzatib borish piksellari. Bu veb-sahifaga ichki qurilgan kichkina ko‘zga ko‘rinmas ob’ektlardir. Ular yana "teglar", "veb-qo‘ng‘izchalar" yoki "pikselli gifkalar" nomlari bilan mashhur. Biz piksellardan cookie fayllarini kompyuteringizga yetkazib berish, veb-saytimizdagi faollikni kuzatib borish, saytlarimizda ro‘yxatdan o‘tishni osonlashtirish hamda onlayn-marketing uchun foydalanamiz. Biz Sizning ularni ochishingizni aniqlash uchun piksellarni elektron pochta orqali reklama xabarlarimiz yoki axborot byulletenlarga kiritamiz.
  • Mobil qurilmagan identifikatorlari va SDK. Biz Mobil ilovalarimizdagi dastur kodidan cookie fayllari Internetda ma’lumotlarni to‘plagani kabi ma’lumotlarni to‘plash uchun foydalanamiz. Bu ma’lumotlar, jumladan, mobil qurilmangiz identifikatorlari (IDFA iOS identifikatorlari va Android OT dagi reklama identifikatorlari) va ilovalarimizdan qanday foydalanishingiz haqidagi ma’lumotlarni o‘z ichiga oladi. cookie fayllari kabi Siz ilovamizdan foydalanganingizda biz avtomatik ravishda to‘playdigan qurilmangiz haqida ma’lumotlar hech qachon Sizning shaxsingizni tanitmaydi. Qurilmangiz faqat raqamlar va harflarning tasofidiy to‘plami sifatida (masalan, reklama identifikatori EFG4567) ko‘rsatiladi va hech qachon Karim A. Salimov kabi ko‘rinishda ko‘rsatilmaydi.
  • Aniq geografik joylashuv. Siz tomoningizdan mobil ilovalardan foydalanilganda biz global joylashtirish tizimi (GPS) koordinatalari (uzunlik va kenglik) yordamida Sizning aniq joylashgan joyingiz haqidagi ma’lumotlarni olishimiz mumkin. Mobil telefoningiz yoki qurilmangizda Siz joylashgan joyni biz tomonimizdan aniqlashga ruxsat berishingiz yoki rad qilishingizga imkon beruvchi suzib chiquvchi bildirishnomani olasiz. Siz bizning har doim ham Sizning qayerda joylashganligingiz (shahar, pochta indeksi yoki viloyat) to‘g‘risidagi ma’lumotlarni olish uchun Sizning ruxsatingizni so‘rayvermasligimizni tushinishingiz kerak. Masalan, agar biz Sizning Filippinning Malina shahrining qaeridadir ekanligingizni bilsak, biz buni joylashgan joyning aniq aniqlanishi, deb hisoblamaymiz.

Shaxsiylashtirilgan reklama

Siz hamkorlarimizning saytlariga tashrif buyurganingizda biz Sizga o‘zimiz Siz ko‘rishni xohlaydi, deb o‘ylagan reklama yoki boshqa kontentni ko‘rsatishimiz mumkin. Masalan, agar Siz bolalar kiyimlari yoki maktab o‘quv qurollari sotiladigan saytlarga tashrif buyursangiz, Siz Tide® kir yuvish kukuni reklamasini olishingiz mumkin. Bu ma’lumotlardan biz Sizning farzandlaringiz bor va shuning uchun ham Sizni kir yuvish uchun samarali vositalar qiziqtirishi mumkin, degan xulosa chiqarishimiz mumkin. Shunday qilib bizning maqsadimiz — Sizga Siz uchun foydali bo‘lishi mumkin bo‘lgan mahsulotlarimiz haqidagi tegishli ma’lumotlarni yuborishdan iborat.

Biz o‘xshash qiziqishlarga ega bo‘lgan iste’molchilar guruhi haqida ma’lumotlar olamiz. Biz Sizni bir xil qiziqishlarni namoyon qiluvchi iste’molchilarning ma’lum guruhiga joylashtirishimiz mumkin. Masalan, agar Siz internetda tez-tez soqol olish uskunalari xarid qilsangiz, biz sizni "soqol olish uskunalari ishqibozlari" guruhiga qo‘shishimiz mumkin yoki agar biz Sizni onlayn-kuponlardan foydalanishingiz yoki chegirmalar yoxud arzon sotuvlarni izlashingizni payqasak, Siz "foydali xaridlar sevuvchisiga" aylanishingiz mumkin. Biz Siz haqingizdagi bunday ma’lumotlarni veb-sahifalarga kirganingizda, saytlarimizdagi havolalar bo‘ylab o‘tganingizda, boshqa veb-saytlarga tashrif buyurganingizda, mobil ilovalardan foydalanganingizda yoki elektron xatlarni o‘qiganingizda va ulardagi havolalarni bosganingizda to‘playmiz. Biz onlayn va/yoki oflayn rejimda o‘xshash tarzda harakat qiluvchi iste’molchilar guruhining umumiy moyilliklari, odatlari va xususiyatlari haqida bilish uchun cookie fayllari bilan qurilmalar identifikatorlarini birlashtiramiz. Shunday qilgan holda biz ularga fikrimizga ko‘ra ular uchun dolzarb va foydali bo‘lgan mahsulotlar va ma’lumotlarni yuborgan holda guruhda mavjud bo‘lgan iste’molchilarga "o‘xshash" bo‘lgan boshqa ko‘pgina iste’molchilarni topishimiz va ularga xizmat ko‘rsatishimiz mumkin.

Biz boshqa ma’lumotlarni Sizning cookie fayllaringiz va qurilmalaringiz identifikatorlariga bog‘laymiz. Sizning cookie fayllaringiz va qurilmalaringiz identifikatorlari boshqa ma’lumotlar, masalan, Siz oflayn tarzda xarid qiladigan mahsulotlar haqidagi ma’lumotlar yoki o‘zingiz saytlarimizda qayd hisobini yaratganingizda bizga bevosita taqdim etgan ma’lumotlar bilan to‘ldirilishi mumkin. Biz odatda buni Sizning shaxsingizni bevosita tanitmaydigan usulda amalga oshiramiz. Masalan, biz cookie fayli identifikatori ABC12345 ning veb-saytga tashrif buyurishlar, yosh, jins va xaridorlik odatlari asosida soqol olish uskunasi ishqibozlari guruhiga tegishli ekanligini bilishimiz mumkin, biroq bu odamning ismi yoki manzilini yoxud uning shaxsini tanitishi mumkin bo‘lgan boshqa biror-bir ma’lumotni bila olmaymiz. Agar biz cookie fayllari yoki qurilmalar identifikatorlari (veb-sahifalar va ilovalarni ko‘rish tarixi) haqidagi shaxsan Sizning ma’lumotlaringizni tanib olishni xohlasak, biz doimo bunga Sizning roziligingizni so‘raymiz.

Biz Sizni istalgan kompyuterlaringiz, planshetlaringiz, telefonlaringiz va boshqa qurilmalaringizdan foydalanganingizda bilishimiz mumkin. Biz cookie fayli identifikatori ABC12345 ning o‘sha odam tomonidan foydalanilishi mumkin bo‘lgan yoki EFG15647 qurilma identifikatoriga ega bo‘lgan mobil telefon bilan bitta uyga o‘rnatilgan kompyuter ekanligini bilishimiz mumkin. Bu shuni anglatadiki, Siz o‘z noutbukingizda tagliklar izlashingiz, Google qidiruvi natijalaridagi biz homiylik qiladigan havolaga bosishingiz, keyin esa mobil telefoningizda bizning Pampers® tagliklarimiz reklamasini ko‘rishingiz mumkin. Masalan, ularning har kuni bir vaqtda bitta WiFi tarmoqqa ulanishlari tufayli biz berilgan kompyuter va telefonga aynan bitta odam egalik qiladi, deb faraz qilishimiz va shunday xulosaga kelishimiz mumkin. Bitta odam yoki oilaning qanday qurilmalardan foydalanishini tushinish bitta reklamani Sizning barcha qurilmalaringizda takrorlashlar sonini cheklashimizga yordam beradi. Bu muhimdir, chunki biz Sizga bitta reklamani ko‘p marta yuborganimizda jahlingiz chiqmaydi va biz o‘zimizga kerakli bo‘lmagan bunday takrorlanuvchi e’lonlar uchun to‘lamaymiz.

Siz qanday qilib shaxsiylashtirilgan reklamani olishni to‘xtatishingiz mumkin. P&G kompaniyasining shaxsiylashtirilgan reklamasini olishni to‘xtatish uchun Siz bu yerga bosishingiz yoki saytlarimizdan birida yoki mobil ilovalarimizdan birida WebChoices yoki AppChoices belgilariga bosishingiz mumkin. Siz yana brauzeringizdagi cookie fayllarini rad qilgan, odatda ilovalarni o‘rnatishda mavjud bo‘ladigan "ma’lumotlarga kirish huquqini" rad qilgan holda yoki qurilmangizda reklamani kuzatib borish parametrlarini sozlash yo‘li bilan saytlardagi shaxsiylashtirilgan reklamani tarqatishni taqiqlashingiz mumkin.

Siz shaxsiylashtirilgan reklamadan voz kechsangiz ham baribir "kontekstli" e’lonlarni ko‘rasiz. Biz Sizga shaxsiylashtirilgan reklama e’lonlarini yuborishni to‘xtatsak ham Siz o‘z kompyuteringiz yoki mobil qurilmalaringizda brendlarimizdan e’lonlar olaverasiz. Bu e’lonlar Siz tashrif buyuradigan saytlarning kontekstiga asoslanadi va ular kontekstli e’lonlar deb ataladi. Siz kompyuteringizda yoki mobil telefoningizda tashrif buyuradigan sahifalarga asoslanuvchi shaxsiylashtirilgan reklamadan farq qilgan holda kontekstli e’lonlar — bu Siz tashrif buyuradigan aniq bir sayt konteksti asosida Sizga ko‘rsatiladigan e’lonlardir. Masalan, Siz Internetda bolalarga mo‘ljallangan tovarlarni ko‘ra turib bola parvarishi bo‘yicha tovar brendlarimizdan birining reklamasini ko‘rasiz, chunki bu saytlarga an’anaga ko‘ra asosan yosh ota-onalar yoki yaqinda ota-ona bo‘ladiganlar tashrif buyuradilar. Siz yana shuni bilishingiz kerakki, biz hali ham kompyuteringiz yoki qurilmangizdan ma’lumotlar to‘plashimiz va ulardan veb-saytlarimizning ishlashini baholash, iste’molchilar ehtiyojini o‘rganish yoki firibgarlikni aniqlash kabi boshqa maqsadlarda foydalanishimiz mumkin.

Cookie fayllarini o‘chirish Sizning rad qilishingizni ham o‘chiradi. Siz shaxsiylashtirilgan reklamadan voz kechganingizda biz Sizning brauzeringizga rad qilishning cookie faylini yuboramiz, u bizga Sizning bizdan boshqa shaxsiylashtirilgan reklama e’lonlarini olishni xohlamasligingizni aytib beradi. Agar siz bacha cookie fayllarini o‘chirishga qaror qilsangiz, bu rad qilish cookie fayli o‘chiriladi. Bu shuni anglatadiki, agar Siz baribir shaxsiylashtirilgan reklamani olishni xohlamasangiz, rad qilish jarayonini qaytadan bajarishingizga to‘g‘ri keladi.

Yevropa Ittifoqi mamlakatlarida ma’lumotlarni qayta ishlash, saqlash va uzatish

Bu bo‘lim faqat bizning Yevropa Ittifoqi mamlakatlari aholisining shaxsiy ma’lumotlarini qayta ishlashimizga nisbatan qo‘llaniladi. U Yevropa Ittifoqi fuqarolari shaxsiy ma’lumotlarini qayta ishlash, saqlash va uzatish protseduralarimizning ko‘proq darajada shaffofligini ta’minlashga xizmat qiladi, bu esa Ma’lumotlarni himoya qilish Umumiy reglamentining ma’nosi va mohiyatiga mos keladi.

Bo‘linmalar. P&G kompaniyasining turli bo‘linmalari Sizning shaxsiy ma’lumotlaringizning kontrollerlari sifatida qatnashishlari mumkin. Ma’lumotlar kontrolleri — bu ma’lumotlarni qayta ishlanishini boshqaruvchi va ular uchun asosiy javobgarlikni o‘z zimmasiga oluvchi tashkilot. Quyida keltirilgan jadvalda Yevropa Ittifoqi mamlakatlari uchun ma’lumotlar kontrollerimiz ko‘rsatilgan. Masalan, Siz frantsuz saytlarimizdan (.fr) birida elektron pochta manzilingizni ko‘rsatganingizda mamlakat nomi yonida ko‘rsatilgan P&G bo‘linmasi Siz tomoningizdan ko‘rsatilgan shaxsiy ma’lumotlarning kontrolleri bo‘lib hisoblanadi (masalan, Procter & Gamble France SAS (LE 577).

Mamlakatlar

Ma’lumotlar kontrolleri

Avstriya

Procter & Gamble Austria – Zweigniederlassung der Procter & Gamble GmbH

Bolgariya

Procter & Gamble Bulgaria EOOD

Ruminiya

Tanlovlar uchun: Procter & Gamble Distribution SRL

Boshqa joylar uchun: Procter & Gamble Marketing Romania SR

Polsha

Procter and Gamble DS Polska sp z o.o.

Belgiya

Procter & Gamble Distribution Company (Europe) BVBA

Chexiya Respublikasi

Procter & Gamble Czech Republic s.r.o.

Vengriya

Procter & Gamble RSC Regionális

Slovakiya

Procter & Gamble, spol. s.r.o.

Xorvatiya

Procter & Gamble d.o.o. za trgovinu

Frantsiya

Procter & Gamble France SAS/Procter & Gamble Pharmaceuticals France SAS

Germaniya

Procter & Gamble Service GmbH

Gretsiya

P&G Hellas Ltd.

Irlandiya

Procter & Gamble UK

Italiya

Procter & Gamble Srl

Niderlandiya

Procter & Gamble Nederland B.V.

Portugaliya

Procter & Gamble Portugal, Productos de Consumo Higiene de Saude, S.A.

Ispaniya

Procter & Gamble España, S.A.

Buyuk Britaniya

Procter & Gamble UK

Yevropa Ittifoqining boshqa mamlakatlari

Procter & Gamble International Operations SA

Qayta ishlash va saqlash. Odatda Sizning ma’lumotlaringizni biz ular to‘planishidan ko‘zlangan maqsadlar uchun yoki qonun talablariga ko‘ra zarur bo‘lgan muddat davomida saqlaymiz. So‘rovlaringizni qanoatlantirish, jumladan Sizni marketing xabarlari tarqatmasiga qo‘shmaslik hamda yuridik yoki boshqa majburiyatlarni bajarish uchun ma’lumotlaringizni ko‘rsatilgan saqlash muddatidan ko‘proq muddat saqlab turishimizga to‘g‘ri kelishi mumkin. Bu jadvalda biz to‘playdigan ma’lumotlarning tiplari, ulardan foydalanishimiz maqsadlari, bunday foydalanishning qonunga muvofiqligi (huquqiy asos) hamda bunday ma’lumotlarni odatda qancha vaqt saqlashimiz (saqlash davri) ko‘rsatilgan.

Ma’lumotlar tipi

Ma’lumotlarni to‘plash sabablari

Huquqiy asos

Saqlash muddati

Marketing ma’lumotlari

Elektron pochta, FIO, telefon raqami, pochta, iste’molchilarning shartli guruhi, qiziqishlaringiz, kasbingiz, odatlaringiz, xaridlaringiz, yuklanadigan fotosuratlar va videofayllar, farzandlaringiz va uyingiz, oilangiz tarkibi, oilangizdagi kishilar soni, sochingizning turi, teringizning turi, sevgan xushbo‘yingiz, uyingizda uy hayvonlarining bor-yo‘qligi haqidagi ma’lumotlar va hok.

Sizga mahsulotlarimiz va xizmatlarimiz yoki hamkorlarimizning mahsulotlari va xizmatlari haqidagi marketing materiallarini yuborish uchun.

Elektron pochta orqali xatlar va SMS hamda pochta xatlari olishga roziligingiz. Boshqa barcha sohalarga tegishli qonuniy manfaatlar.

Siz shaxsiy ma’lumotlaringizni o‘chirishni so‘raguningizcha yoki roziligingizni chaqirib olguningizcha. Agar Siz shunday so‘rov bermasangiz, shaxsiy ma’lumotlaringiz quyidagi grafikka ko‘ra o‘chiriladi:

elektron pochta: barcha axborot uzatish kanallaridagi <50 oylik harakatsizlikdan keyin. Biz bunday harakatsizlikni bir necha ichki mezonlar bo‘yicha aniqlaymiz.

SMS: barcha axborot uzatish kanallaridagi <50 oylik harakatsizlikdan keyin. Biz bunday harakatsizlikni bir necha ichki mezonlar bo‘yicha aniqlaymiz.

pochta manzili: barcha axborot uzatish kanallaridagi <50 oylik harakatsizlikdan keyin. Biz bunday harakatsizlikni bir necha ichki mezonlar bo‘yicha aniqlaymiz.

Tanlovlar

Elektron pochta, FIO, telefon raqami, ayrim hollarda boshqa ma’lumotlar.

Tanlov qatnashchilariga tanlov haqidagi ma’lumotlarni taqdim etish, jumladan tanlov g‘olib(lar)ini e’lon qilish uchun.

Sizning roziligingiz.

Agar mahalliy qonunchilik bizdan uzoqroq muddat saqlab turishni talab qilmasa, 24 oy davomida.

Mahsulotlar xarid qilish

Elektron pochta, FIO, telefon raqami, to‘lov ma’lumotlar (jumladan bank hisobi IBAN yoki Paypal to‘lov ma’lumotlari), ayrim hollarda boshqa ma’lumotlar.

Sizning mahsulotlarimizni xarid qilishlaringiz, keshbek takliflari yoki kafolatlarni qayta ishlash hamda bunday xaridlar bilan bog‘liq bo‘lgan tegishli xabarlarni yuborish uchun.

Sizning roziligingiz.

Agar mahalliy qonunchilik bizdan uzoqroq saqlab turishni talab qilmasa, buyurtmalarni rasmiylashtirish va bunday buyurtmalar bilan bog‘liq ravishda Siz bilan bog‘lanish uchun zarur bo‘lgan muddatgacha. Biz yana ma’lumotlarni odatda keshbek takliflari uchun 24 oy va kafolat majburiyatlarini bajarish uchun 10 yil davomida saqlaymiz.

Bizga murojaat qiling

Elektron pochta, FIO, telefon raqami, ayrim hollarda boshqa ma’lumotlar.

So‘rovlaringizni qayta ishlash va Siz bilan bog‘lanish uchun hamda qonunchilik va P&G siyosatlari talablariga muvofiq.

Bizning iste’molchilar so‘rovlarini boshqarishdagi ishchi manfaatlarimiz hamda Sizning ayrim noxush hollarda to‘planishi mumkin bo‘lgan ma’lumotlarning alohida toifalarini uzatishga bo‘lgan roziligingiz.

So‘rovning xususiyatiga, ma’lumotlarni qayta ishlashdagi qonuniy manfaatlarimiz va yuridik majburiyatlarimizga bog‘liq ravishda 0 yildan 10 yilgacha.

Marketing tadqiqotlari

Elektron pochta manzili, FIO, telefon raqami, manzil, tanituvchi fotosuratlar yoki videoroliklar, ayrim hollarda boshqa ma’lumotlar.

Mahsulotlarimiz va iste’molchilarimiz hayotini yaxshilay olishimiz uchun innovatsion ishlanmalarimizni tekshirish va Sizning afzalliklaringiz va odatlaringiz haqida ma’lumotlar olish uchun.

Sizning roziligingiz.

Biz mavzuli klinik tadqiqotlar doirasida to‘plangan shaxsiy ma’lumotlarni ularni to‘plashdan ko‘zlangan maqsadlar uchun bizga kerak bo‘ladigan muddatgacha va/yoki bunday saqlash mahalliy qonunlarga yoki me’yorlarga muvofiq talab qilinadigan vaqtgacha saqlaymiz, bunday qonun va me’yorlar 25 yilgacha bo‘lgan saqlash muddatini o‘rnatishlari mumkin. Boshqa tadqiqotlar uchun biz Sizning asosiy shaxsiy ma’lumotlaringizni ko‘pi bilan 5 yilgacha saqlaymiz. Biz Sizning imzolangan hujjatlarni ham xabardor qilingan rozilik bilan saqlaymiz

OAV dagi targeting

Reklamali cookie fayllari, qurilmalarning identifikatorlari, demografik ma’lumotlar, masalan, jins va yosh, xatti-harakatlar haqidagi ma’lumotlar, masalan, sahifalarni ko‘rishlar, ayrim hollarda boshqa ma’lumotlar.

Sizning Internetdagi qiziqishlaringiz haqida bilish va reklamani Sizga maxsus moslashtirish uchun.

Sizga tegishli reklamani taqdim qilishdagi bizning qonuniy ishchi manfaatlarimiz. Biz cookie fayllarini o‘z veb-saytlarimizga joylashtirishga Sizning roziligingizni olamiz.

Biz bu ma’lumotlarni qaysi biri oldin kelishiga bog‘liq ravishda ularni olish vaqtidan boshlab o‘ttiz oy davomida yoki Siz rad qilishni rasmiylashtirguningizcha bo‘lgan muddatgacha saqlaymiz.

Sizning ma’lumotlaringizni boshqa mamlakatlarga o‘tkazish. Sizning shaxsiy ma’lumotlaringiz ular to‘plangan mamlakatdan, jumladan AQSH dan boshqa mamlakatga uzatilishi, u yerda saqlanishi va qayta ishlanishi mumkin. Masalan, biz Sizning ma’lumotlaringizni Amerika Qo‘shma Shtatlaridagi serverlarda saqlashimiz mumkin, chunki foydalaniladigan ma’lumotlar bazasi ayna o‘sha erda joylashgan. Marketologlarimidan biri Sizga mahsulot namunasini yuborish uchun ushbu ma’lumotlarga Shveytsariyadan murojaat qilganida bunday ma’lumotlar yana "uzatilishi" mumkin. Biz ma’lumotlarni bunday uzatishni P&G bo‘linmalari o‘rtasida ham, P&G bilan xizmat ta’minotchilarimiz o‘rtasida ham Yevropa Ittifoqining tartibga soluvchi organlari Sizning ma’lumotlaringiz himoyasini ta’minlash uchun avvaldan ma’qullagan shartnomali himoya mexanizmlaridan foydalanib amalga oshiramiz (tipik shartnomaviy qoidalar deb ataluvchi). Agar Siz ma’lumotlarni uzatish haqidagi kelishuv nusxasini olishni xohlasangiz, biz bilan bog‘laning.

Saytlar va ilovalarning kontenti

Pluginlar. Saytlarimiz ijtimoiy tarmoqlar kabi boshqa tashkilotlarning plaginlarini o‘z ichiga olishi mumkin. Bunday plaginga misol bo‘lib "Yoqadi" Facebook tugmasi hisoblanadi. Bu plaginlar ma’lumotlar (masalan, sahifaning URL-manzili) to‘plashi va ularni plaginlarni yaratgan kompaniyaga yuborishi mumkin. Bu xattoki Siz plaginga bosmagan holingizda ham yuz berishi mumkin. Bu plaginlardan foydalanish xattoki ular bizning saytlarga joylashtirilganda ham ularni yaratgan kompaniyaning maxfiylik siyosati va shartlari bilan boshqariladi. Bu plaginlar unchalik muhim bo‘lmagan cookie fayllari bo‘lib hisoblanadi va ular Sizning cookie fayllaridan foydalanilishiga rozi bo‘lishingiz sharti bilan faqat Yevropa Ittifoqi mamlakatlaridagi saytlarimizda ishlaydi.

Loginlar. Veb-saytlarimiz boshqa kompaniyadagi qayd yozuvidan foydalangan holda, masalan, "Facebook orqali kirish" bilan avtorizatsiyadan o‘tishga imkon beradi. Bunday qilganingizda bizda faqat o‘zingiz rozilik bergan va boshqa kompaniya resursidagi (kirish uchun foydalaniluvchi) qayd yozuvingiz sozlamalaridan olish mumkin bo‘lgan ma’lumotlarnigina ko‘rish huquqi bo‘ladi.

Foydalanuvchi kontenti. P&G kompaniyasining ayrim veb-saytlarida va ayrim ilovalarida foydalanuvchilar tanlovlar, bloglar, videoroliklar kabilar uchun o‘z kontentlarini joylashtirish imkoniyatiga ega bo‘ladilar. Shuni yodda tutingki, Siz yuboradigan yoki chop qiladigan har qanday ma’lumot hammabop bo‘lib qoladi. Biz Siz saytlarimiz va ilovalarimizga yuboradigan kontentdan boshqalarning qanday foydalanishlari mumkinligi ustidan nazoratni amalga oshirmaymiz. Biz bunday foydalanishning ushbu maxfiylik siyosati, qonunchilik yoki Sizning shaxsiy maxfiyligingiz va xavfsizligingizni buzishi mumkinligi uchun javobgarlikni zimmamizga olmaymiz.

Havolalar. P&G saytlarida nazoratimiz ostidan tashqarida bo‘lgan boshqa saytlarga havolalar mavjud bo‘lishi mumkin. Bu saytlarning faoliyati ularning o‘z maxfiylik siyosatlari va shartlari bilan tartibga solinadi.

Bolalar uchun maxfiylik

Bolalarning shaxsiy ma’lumotlarining Internetdagi maxfiyligi to‘g‘risidagi qonunlar. Biz Internetda bolalarning shaxsiy ma’lumotlarini to‘plashdagi ma’lumotlarni himoya qilish to‘g‘risidagi barcha qo‘llaniluvchi qonunlarga amal qilamiz. Masalan, Yevropa Ittifoqida biz buning uchun ota-onalardan birining roziligini olmasdan turib 16 yoshgacha bo‘lgan bolalarning shaxsiy ma’lumotlarini to‘plamaymiz. Xuddi shu tarzda AQSH da 13 yoshdan kichik bolalarning shaxsiy ma’lumotlarini yig‘ishda ota-onalarning roziligini olamiz.

Kaliforniyaning balog‘atga etmagan aholisi uchun izoh. Biz 18 yoshgacha bo‘lgan o‘smirlarga o‘z kontentini (masalan, video, sharhlar, holat yangilanishlari yoki tasvirlar) yuklashga imkon beruvchi o‘zaro faol xizmatlarni taklif qilishimiz mumkin. Saytlarimizdagi ko‘rsatmalarga amal qilgan holda bu kontentni istalgan vaqtda olib tashlash yoki o‘chirish mumkin. Agar Sizda buni qanday qilish to‘g‘risida savollar bo‘lsa, biz bilan bog‘lanig Shuni yodda tutingki, bunday postlar boshqa kishilar tomonidan boshqa joyga nuxsa ko‘chirilishi, yo‘naltirilishi yoki joylashtirilishi mumkin va biz bunday harakatlar uchun javobgarlikni zimmamizga olmaymiz. Bunday hollarda Siz kontentingizni o‘chirish haqida so‘rov yuborish uchun bunday saytlarning egalari bilan bog‘lanishingiz kerak.

Bizga murojaat qiling

Maxfiyligingiz va ma’lumotlarni himoya qilish amaliyotlarimiz to‘g‘risida o‘zingizda bo‘lishi mumkin bo‘lgan savollar yoki xavotirlar bilan yoki agar siz nogiron bo‘lgan mijoz bo‘lsangiz va sizga bu eslatma muqobil formatda kerak bo‘lsa, to‘g‘ridan-to‘g‘ri bizga murojaat qiling. Agar sizda shunday yoki shaxsiy ma’lumotlaringizni qayta ishlashimizga nisbatan boshqa har qanday savol yoki xavotir mavjud bo‘lsa, siz yana quyidagi manzillar orqali Ma’lumotlarni global himoya qilish bo‘yicha xodimga murojaat qilishingiz ham mumkin – Elektron pochta: pgprivacyofficer.im@pg.com, Telefon: +1 (513) 622-0103, Pochta manzili: 1 Procter & Gamble Plaza, Cincinnati, OH 45202, AQSh.